| اپنا صفحہ | ہم کون ہیں؟ | مقصد | ہم سے رابطہ کیجیے
انجمنِ صوفی نفسیات کے بارے میں
انجمنِ صوفی نفسیات کا بنیادی مقصد انسان کے اندر پوشیدہ صفات اور قابلیت کو اُس بلند درجے تک لے جانا ہے جہاں انسان ہم آہنگی، باہم اتحاد، اعتدال اور امن کے ساتھ پُرسکون زندگی گزار سکے۔ عالی مرتبت جناب نادرعنقا نے اپنی کتاب "صلح" میں وہ دو سوالات پیش کر کے اُن پر روشنی ڈالی ہے جو انسانی کردار کے لیے بنیادی اہمیت کے حامل ہیں۔
۱۔. کس طرح انسان کو کامل بنایا جاسکتا ہے؟
۲۔. کس طرح معاشرے کو کامل بنایا جاسکتا ہے ؟
مغربی نفسیات نے مختلف کرداروں کی توضیح پر توجّہ مرکوز کر رکھی ہے، نہ کہ ان بنیادی اصولوں پر جو انسانی کردار کا باعث بنتے ہیں۔ جدید مغربی نفسیات نہیں جانتی کہ انسان کو کس طرح تعلیم دی جائے کہ وہ مؤثّر طور پر مثبت شکل میں ہمیشہ کے لیے تبدیل ہوسکے۔ نہ ہی وہ انسان کو پُرامن اور اطمینان بخش زندگی گزارنے کا طریقہ سکھا سکی ہے۔ روز مرّہ خبریں انسانوں میں بے چینی، لالچ، اخلاقی بگاڑ، جنگ و جدال اور قتل و غارتگری سے بھرپور ہیں۔
بعض ماہرینِ نفسیات نے ''مثبت نفسیات" پر توجّہ مرکوز کی ہے۔کئی ایک، خصوصاً ابراہیم میسلاو ( Abraham Maslow) نے اُن انسانوں کا ذکر کیا ہے جنھیں وہ مثالی انسان تصوّر کرتے ہیں۔ اِن کے مطابق یہ خود ترغیب دہ اور کُلّی طور پر باعمل انسان ہیں، لیکن یہ ماہرینِ نفسیات اُن ذرائع کا ذکر کرنے سے قاصر ہیں جن سے انسان یہ بلند مقامات یا اِس سے بھی بلند درجات حاصل کرسکے۔
تاریخ شاہد ہے کہ ۱۴۰۰ سال سے صرف ایک ذریعہ ایسا مہیّا رہا ہے جو مستقل طور پر ایسے نتائج پیش کرسکا ہے، یعنی تحریک پر عمل پیرا، قابل، مطمئن، باکردار، مکمّل طور پر فعّال انسان جو خود کے اور ہستی کے ساتھ پُرامن ہوں ۔یہ ذریعہ عرفانِ اسلامی ہے۔
انجمنِ صوفی نفسیات خدمتِ خلق سے وابستہ چند مخلص افراد نے قائم کی تھی جنھوں نےدبستانِ عرفانِ اسلامی "مکتبِ طریقتِ اویسیٔ شاہ مقصودی" کے پیرِ محترم حضرت نادر شاہ عنقا مدظلّہ کی عرفانی تعلیمات سے فیض حاصل کرکے خود میں گہری مثبت تبدیلیوں کا تجربہ کیا تھا۔
انجمنِ صوفی نفسیات کا بنیادی مقصد علم کا فروغ ہے— اسلامی تصوّف میں مستعمل ترقّی پذیر علم کے پھیلتے ہوئے نظام اور تربیتی طریقوں میں اشتراک، تاکہ مخلص سالکین اپنی تمام صلاحیتیں بروے کار لاتے ہوئے اور معاشرے کو مثالی اور کامل بنا نے میں مدد کرتے ہوئے پُرامن زندگی گزار سکیں۔
انجمنِ صوفی نفسیات ایک غیر منفعت بخش، ٹیکس سے مستثنٰی فلاحی ادارہ ہے، جس کے ارکان کُل کام رضاکارانہ طور پر انجام دیتے ہیں۔اُن میں سےکوئی بھی اپنے خدمات کا معاوضہ نہیں لیتا ۔
انجمنِ صوفی نفسیات کا بنیادی مقصد اشاعت، تحقیق، ورک شاپوں، سیمینار وں، کانفرنسوں، محافلِ اعتکاف اور صوفی نفسیات کے بارے میں عوام کو تعلیمی معلومات مہیّا کرنے کی دیگر تقریبات کی حوصلہ افزائی ہے۔ یہاں بین الانضباطی طریقوں پر زور دیا جاتا ہے اور ہر دلچسپی رکھنے والے کو شمولیت پر خوش آمدید کہا جاتا ہے۔ متنوّع اور مختلف پیشوں کے افراد کا سواگت کیا جاتا ہے۔ روح کی کوئی جنس، رنگت اور نسل نہیں ہوتی۔
ای میل کا پتا: sufipsy@comcast.net
پتا: 9985 Horn Road, Suite C, Sacramento, CA 95827 USA
ٹیلی فون: 916-368-5530
فیکس: 916-923-501
مجلّۂ انجمنِ صوفی نفسیات: روح کا علم spajournal@gmail.com
ایم ٹی او مکتبِ تصوّف مع عمومی اصولِ تصوّف اور دورِ جدید کے معاشروں میں اس کے استعمال کے بارے میں مزید معلومات کے لیے www.islam.info پر رجوع کریں۔
| واپس اوپر جائیے۔ | اپنا صفحہ
©2007 Sufi Psychology Association®. All rights reserved.
